قبل أيّام من وصول لقاح كورونا إلى لبنان… حملة للمطالبة بحرمان الفلسطينيين والسّوريين منه
على الرغم من سفر اللبنانيين إلى الإمارات لتلقّي لقاح كورونا، ورغم حصول الكثير من المغتربين على اللقاح في دول الاغتراب، التي وضعت فئات تستفيد أولاً من اللقاح دون النظر إلى جنسيات الأفراد الذين يملكون حقّ الأولويّة في تلقّي اللقاح، برزت أصوات عنصرية في لبنان، تدعو إلى حصر اللقاح باللبنانيين فقط.
الحملة أطلقها الناشط في التيار الوطني الحر الطبيب ناجي حايك، الذي سارع إلى المطالبة باللقاح للبنانيين قبل “الغريب”.
لا بلد في العالم يسمح بتلقيح اي شخص موجود على ارضه قبل تلقيح مواطنيه.
يعني على الامم المتحدة استكمال ايصال الطعم لجميع اللبنانيين قبل ان نسمح بايصال اي جرعة لأي غريب.— Naji Emile Hayek (@Naji_Hayek) January 18, 2021
وما لبث المحامي وديع عقل المقرّب من التيار الوطني الحر أن أطلق حملة مماثلة، طالب خلالها بحصريّة إعطاء اللقاح للبنانيين فقط.
إقتراح: يلي قادر، بيدفع حق الطعم vaccine نقداً أو بواسطة دولاراتنا المحجوزة بالبنك، وأكيد وفقاً للأولويات الصحية.
هيك منعطي فرصة تأمين عدد أكبر من الطعوم ليلي مش قادرين ومندعم الجهاز الطبي.
شرط، إعطاء الطعم للبناني حصراً.
ونشر التفاصيل مع الأسماء على App لشفافية مطلقة Open data.— Wadih AKL وديع عقل ?? (@w_akl) January 18, 2021
ردود فعل مستنكرة
اختلف ردود الأفعال بين من اعتبر أنّ حملة حصر اللقاح باللبنانيين تفتقر إلى أي منطق، إذ أنّ الأساس في اللقاحات توزيعها على جميع المقيمين لتشكيل مناعة مجتمعيّة وإلا فإنّ الوباء سيبقى متغلغلاً داخل البلد.
اقتراح بحصر اللقاح باللبنانيين حصرا،
بينما اللبنانيين يحصلون على اللقاح في دول أخرى لم تحصره بالمواطنين.
طبعا بغض النظر عن أنه يعتقد أن من لا يحصل على اللقاح ويمرض لا يعدي اللبنانيين. https://t.co/yZIZaqOXBa— Ahmad KHATIB الخطيب (@ahmad_khatib) January 18, 2021
فكرة مناعة القطيع بتعتمد عإعطاء العدد الاكبر من المقيمين الطعم لتخفيف قدرته عالانتشار، لأن اصلا في عالم عندها عوارض صحية قد تحول دون ان تأخذ الطعم.
لما تجي تفرق بين لبناني و غير لبناني، ايه لتعجي الطعم لكل اللبنانية بطريقة اسرغ صحيح، بس بيضل في انتشار للمرض و ضغط عالطاقم الطبي https://t.co/MGKiWaupil
— بـِلالٌ (@bilal_gh) January 18, 2021
أول لازم نقنع الڤيروس ونفهمو إنو هادول أجانب إذا صابهم ما يتشاطر علينا وينتقل منهم للمواطنين … ساعتها فيك تلقح المواطن وتترك المقيم ، غير هيك الڤيروس طايلك وطايلهم وطايلني بالتساوي
— jamal fayadجمال فياض (@jamalfayad) January 18, 2021
في حين هاجم البعض عنصريّة الحملة التي تصنّف الناس مستحقي الطعم حسب جنسياتهم، في وقت تصنّفهم منظمة الصحة العالمية حسب فئاتهم العمرية وطبيعة عملهم وماذا إذا كانوا يعانون من أمراض مزمنة.
بالعلم مش بشي تاني، هيد وباء، ما بيمشي على الهوية ولا الجنسية، يعني الكل لازم ياخدو https://t.co/ls8jLtdodA
— Mahassen Moursel (@MMoursel) January 18, 2021
وبتزعلو بس نقول عنصريين؟
حتى بالمرض والعلاج؟عفكرة الوحيدين بالعالم يلي منعو اللقاح عن غير مواطنين، اسرائيل وانتو ? https://t.co/5MAo8FjYpD
— أماني جحا (@amanie_geha) January 18, 2021
برافو إستاذ وديع. يعني بعد ناقص كان نعملن اللقاح. هيدي فرصة ذهبية نرتاح منهم ومن هم التوطين. و كمان فينا نكبن بالبحر إذا بدك. هلأ المهم، إنت بتعرف الله؟ https://t.co/8Om4vFjFF6
— Mary Joe (@mjfrangieh) January 18, 2021
أنا لبنانية مقيمة في الولايات المتحدة وتلقيت لقاح كوفيد-١٩ من يومين، من ضمن الـ٣٪ ممن تلقوا اللقاح وقبل ٩٧٪ من الأميركيين.
متأكد أنك طبيب يا ناجي؟ بأفضل تقدير أنت بوق عنصري وشخص ساقط إنسانياً.
اذا في شي حبة دوا للكره وصفها لحالك وارتاح. https://t.co/TZoW3ArZ78— Emilie Hasrouty (@emiliehasrouty) January 18, 2021
اللقاح للبناني أولاً
وبعد الحملة على عقل وحايك، قام مغرّدون مؤيّدن للتيار الوطني الحر، بإطلاق هاشتاغ #اللقاح_للبناني_أولاً، دافعوا فيه عن أولويّة حق اللبناني في اللقاح، بدل توزيعه على “الأجانب” الذين يعيشون في لبنان، سواء كانوا نازحين سوريين أو لاجئين فلسطينيين، أو حتّى عمّال أجانب مقيمين في لبنان، واعتبروا أنّ دفاعهم يندرج في خانة الوطنيّة لا العنصرية.
اللاجئين ناس وبشر والروح روح صح بس صحتنا قبلكن اسمحولنا فيا #اللقاح_للبناني_اولاً
— Zeina??❤️ (@ZEINA_ys) January 18, 2021
اذا قال #اللقاح_للبناني_اولاً ، ما بيكون عنصري ! وما بيكون عم يمنع اللقاحات عن غير اللبنانيين لأنو ما في فائض وحارمهم منو !
مش عيب اللبناني يلي عايش بإفلاس وعم ياخد قروض ومساعدات، يقول اعطونا اللقاح لنا قبل أي غريب ساكن بأرضنا !
اذا عندك ضيوف ببيتك وأهلك بخطر بتحمي أهلك قبل الكل— Joey Gs || جوي (@joey_grgs) January 18, 2021
يا عالم، لبنان مش دبي أو غيرها من الدول لبنان بوضعه الاقتصادي المزري
ما عنده ترف التفريط باي قرش،
الأولية لمساعدة الشعب اللبناني بالاول،
لا عنصرية ولا شي تاني
ما منقبل حدا يحطنا بموقع الاتهام،
ولو كان اي بلد آخر عنده نفس المشكل
ما كان اهتم الا بشعبه اولا#اللقاح_للبناني_اولاً— Mirna S. (@KP06412048) January 18, 2021
وفاخر البعض بعنصريّته، واعتبر أنّ ما أدّى إلى خراب لبنان، وضع مصلحة “الغريب” قبل مصلحة ابن البلد، مستعينين بمقولة النائب جبران باسيل “عنصريون بلبنانيّتنا”.
كل ما نطالب بالعودة الطوعية بيعملونا عنصريين مش محبتاً بالنازحين بس لأن عم يقبضوا عضهرن
وقت يقولوا اللاجئين جوا جوا و باسيل برا برا
مش محبتاً باللاجئين بس لأن السمسرات ماشية عضهرن
الفرق انو نحنا عنصريين لوطنيتنا وبلدنا اما هني عنصريين للمصاري والعمالة#اللقاح_للبناني_اولاً— ??????? ?? (@CharbeLzZ) January 18, 2021
#اللقاح_للبناني_أولاً وانا عنصري بلبنانيتي ويلي مش عاجبه في سور الصين العظيم يبلش يدق راسه pic.twitter.com/oAfrT1y28w
— PHILIP II Ω (@bouwaked) January 18, 2021
#اللقاح_للبناني_أولاً ما عندي مشكلة العنصرية صراحة بهيك موضوع و ما في إني فكر مرتين اللبناني قبل اللاجئ بميت مرة..
لقاح و غير لقاح ..منتهية✋— Maha (@MahaT_m_t) January 18, 2021
وهاجم كثيرون الهاشتاغ واعتبروا أنّه لا يمثّل سوى أصحاب العقول الضيّقة، والعنصريين الذين يفتقدون إلى المنطق، وتحرّكهم الغرائز والحسابات الضيّقة، في حين أعلن بعض اللبنانيين، استعداداهم للتبرّع باللقاح المخصّص لهم، لمن يحتاجه أكثر من اللاجئين.
هاشتاغ #اللقاح_للبناني_اولا قمة الحقارة والتفاهة والعنصرية #اللقاح_للجميع
— Salman Andary (@salmanonline) January 18, 2021
وحياة الله الحق عالدول اللي بعدها بتستقبلنا وبتوظفنا وبتعطينا اقامات وجنسيات ومؤخرا بتلقحنا.
مش قليل علينا تتسكر كل البواب بوجنا. منستاهل. تفه. #اللقاح_للبناني_أولاً #بيكفي_انك_لبناني_?
— Soraya Dali-Balta | ثريّا دالي بلطة (@SorayaDaliBalta) January 18, 2021
#اللقاح_للبناني_أولاً … هيدا شعار قمة العنصرية مني وعليي حصتي من هاللقاح ما بدي ياها ح اعطيها لأيا محتاج من غير الجنسية اللبنانية المهم يكون انسان… امتو ما بدكن لقاح للكورونا انتو بدكن لقاح للعنصرية الوسخة… لقاحكم بلوه وشربو مايتو
— ali mansour (@alimans21462395) January 18, 2021
